Glosario honek hitzen definizioak ematen ditu, Lingu@net World Wide atarian erabiltzen diren era berean. Bere helburua ez da erabat osatuta izatea, bertan ageri diren hitzak erabiltzaileek eskatu dituzten definizioenak dira.
- Aditza
- Ekintza edo gertaera bati deitzeko hitza, esate baterako, korrika egin, ikasi edo amets egin.
- Aurreratua
- Aurreratua hitza C1 eta C2 mailei dagokie, Europako Hizkuntza Erreferentzia-Marko Bateratuko Eskala Globalean zehaztuta dagoen bezala. Aintzat hartzekoa da, bestalde, batzuetan ikasteko materiala ikasle aurreratuaren ulerkera ezberdinak oinarri hartuta eginda dagoela.
- Aurrizkia
- Beste hitz bat sortzeko hitzaren hasieran gehi daitekeen zatia da, esate baterako ez- edo sasi ezezagun eta sasijakintsu hitzetan ikusten denez.
- Baliozkoa
- Baliozko hizkuntza azterketek edo bestelako ebaluazio tresnek neurtu behar dutena neurtzen dute. Azterketa ezin da inoiz ehuneko ehunean baliozkoa izan, baina azterketa onak oso baliozkoak dira.
- Binaka ikastea
- Bi pertsona aldizka elkartuko dira, aurrez aurre edo e-mail, txat edo telefono bidez, eta batak bestearen hizkuntza ikasiko du. Denboraren erdian hizkuntza bat erabiltzen dute eta beste erdian, bestea.
- Erdi-maila
- Erdi-maila hitza B1 eta B2 mailei dagokie, Europako Hizkuntza-Erreferentzia-Markoko Eskala Globalean zehaztuta dagoen moduan. Gogoan hartu batzuetan ikasteko materiala erdi-mailako ikasleen ulerkera ezberdinak oinarri hartuta eginda daudela.
- Fidagarria
- Hizkuntza azterketa fidagarri bat egitean, talde berean azterketa birritan eginez gero, emaitza berbera izan ohi da. Ez du axola nork zuzentzen duen. Azterketa inoiz ezin da izan ehuneko ehunean fidagarria, baina azterketa onak oso fidagarriak dira.
- Hasiberria
- Hasiberria hitza A1 eta A2 mailei dagokie, Europako Hizkuntza Erreferentzia-Markoko Eskala Globalean zehaztuta dagoen moduan. Gogoan hartu batzuetan ikasteko materiala hasiberriaren ulerkera ezberdinak oinarri hartuta eginda dagoela.
- Hitz gakoak
- Termino edota esaldi garrantzitsuenak.
- Izena
- Gauza bati, pertsona bati, ideia bati eta abarri deitzeko balio duen hitza, esate baterako, automobila, alaba, adiskidetasuna.
- Kinestetikoa edo ukimenezkoa
- Ikasleek hainbat modu izan ohi dituzte hizkuntzak ikasteko. Ikasle kinestetikoa gorputza mugituz eta modu aktiboan parte hartuz ikasi ohi duena da.
- Maila
- Hizkuntza jakiteak hainbat maila biltzen ditu; hitz gutxi batzuk ezagutzea, baita egoerak eskatzen duenean modu eraginkor eta egokian komunikatzea ere. Ondoko hauek dira dauden mailak: hasiberria, erdi-maila eta aurreratua.
- Material autentikoa
- Xede hizkuntzan dauden baliabideak, hizkuntza ikasteko eta irakasteko erabil daitezkeenak, nahiz eta ez diren berez helburu horretarako eginak, esate baterako: egunkariak, on-line eguraldi aurreikuspenak; ordutegia, eta museoetarako edo galerietarako gidak. Gogoan izan ez dituzula hitz guztiak ulertu behar, informazio asko biltzeko!
- Mundu birtualak
- Hiru dimentsioko irudizko lineako mundu edo jolas mota bat da eta parte hartzaileek eta jokalariek pertsonaia baten gisa jolastu edo avatar bat aukeratu eta mundua miatu dezakete, txatean arituz edo jolas konplexuetara jolastuz. Hizkuntzak ikastea da mundu birtualeko hezkuntza motarik hedatuena; hainbat unibertsitatek, hizkuntza-institutu nagusiek eta hizkuntza-eskola pribatuek 3D ingurune birtualak erabiltzen dituzte hizkuntzak ikasten laguntzeko.
- Rol jokoa
- Hainbat hizkuntza-gaitasun lantzeko rol bat hartzen du bakoitzak, hizkuntza ikasteko..
- Sinonimoa
- Antzeko esanahia (gutxi gorabehera) duten hitzak dira, esate baterako hauexek: antzina= aspaldi.
- Sorburu hizkuntza
- Sorburu hizkuntza baliabide edo ikasteko materialaren hizkuntza da. Errazagoa da dakizun hizkuntzan dagoen materiala erabiltzea.
Adibidez:
- Finlandiera ikasteko materiala, aleman hiztunei zuzendua, gramatika eta hiztegia alemanez azaltzen dituena: finlandiera= xede hizkuntza. Alemana= sorburu hizkuntza.
- Ingelesetik gaztelerara hiztegia: ingelesa= sorburu hizkuntza, gaztelera=xede hizkuntza.
- Ikasle gazteei frantsesa irakasteari buruzko ikerketa artikulua, nederlanderaz: nederlandera= sorburu hizkuntza, frantsesa= xede hizkuntza.
- Trebetasuna
- Hizkuntza jakiteak hainbat eremu menperatzea eskatzen du; hala nola, irakurtzea, idaztea, entzundakoa ulertzea eta hitz egitea. Trebetasunak deitzen dira. Gramatika eta hiztegia aparte landu daitezke, eta trebetasunen zerrendan agertu ohi dira maiz, bestelako trebetasunen barruan dauden arren. Ahoskera eta ortografia ere bestelako trebetasun gisa har daitezke, hitz egitearen eta idaztearen barruan daudenak. Gizarte eta kultur trebetasuna eta funtzionala hizkuntza kulturarako eta gizarterako egokia den moduan erabiltzeko gaitasuna da.
- Xede hizkuntza
- Xede hizkuntza ikasi nahi duzun hizkuntza da, edo itzultzen dituzun testuetan erabiltzen duzuna. Gainera, Lingu@net World
Wide-n xede hizkuntza baliabidearen bidez ikas daitekeen hizkuntza da. Adibidez:
- Finlandiera ikasteko materiala, aleman hiztunei zuzendua, gramatika eta hiztegia alemanez azaltzen dituena: finlandiera= xede hizkuntza. Alemana= sorburu hizkuntza.
- Ingelesetik gaztelerara hiztegia: ingelesa= sorburu hizkuntza, gaztelera=xede hizkuntza.
- Ikasle gazteei frantsesa irakasteari buruzko ikerketa artikulua, nederlanderaz: nederlandera= sorburu hizkuntza, frantsesa= xede hizkuntza.
[ gora ]
