Hizkuntza jakiteak hainbat gauza biltzen ditu, eta hainbat modutan ebalua daiteke. Ikasi nahi duzun hizkuntzan zerbait baldin badakizu, zure maila zein den jakin nahiko duzu. Hizkuntza azterketak esango dizu zer egin dezakezun. Hizkuntzari berari buruz duzun ezagutza frogatuko du (egitura, hiztegia, historia), edo hizkuntza horretan gutxi gorabehera autentikoak diren egoeretan komunikatzeko duzun gaitasuna ebaluatuko du. Azterketa gehienak lau trebetasunetan daude banatuta: mintzamena, entzumena, irakurmena eta idazmena. Badira gramatikaren eta hiztegiaren gaineko azterketak ere. Beste azterketa batzuekin beste gauza batzuk ebaluatu ahal izango dituzu; besteak beste, hitz egitean azkartasuna, gramatikako zuzentasuna, adierazpenen konplexutasuna, estiloa, ahoskera eta beste hainbat ezaugarri.
Mailak honelaxe banatzen dira: hasiberria, erdi-mailakoa, eta aurreratua. Egoeraren arabera, hitz horien esanahia aldatu egiten da.
