Hona hemen ideia batzuk hizkuntzak hainbat mailatan ikasten ari direnek erabiltzeko:
Hasiberria bazara, hizketarako gai errazak dituzu hauek:
- Nor zaren
- Nondik zatozen
- Zure familia
- Zure jaioterrian egiten duen eguraldia
- Zure eguneroko bizitza
- Gustatzen zaizun janaria, musika, autoreak, kirol taldeak…
Hizkuntza ikasten erdi-mailan bazaude, honako gaiei buruz hitz egin zenezake:
- Azken filmak, jokoak eta liburuak. Sarean liburu-kluba ere egin dezakezue: liburu berak irakurri, gero haiei buruz hitz egiteko.
- Kirolak: ikusi ohi dituzun partidak, haien emaitzak, zein jokalari gustatzen zaizkizun eta zergatik
- Bidaiak, oporrak
- Planak eta ametsak
Gogoan izan galderak egin behar dituzula, ez hitz egin beti zeure buruaz!
Maila aurreratuan bazaude hauexei buruz hitz egin zenezake:
- Une horretan zure jaioterrian gertatzen ari dena eta hedabideetan agertzen dena
- Ikasten ari zaren hizkuntza: nahastu egiten zaituzten gauzak, edo zalantza ekartzen dizutenak. Batak bestearen testuak zuzen ditzakezue
- Kulturako gaiak; usadioak, ospakizunak, bizitzeko gastuak, ogibidea
- Politika, legea, hauteskunde sistema
Aukera bikaina da zure idazmen trebetasuna lantzeko; besteen iradokizunak jasoko dituzu eta beti xede hizkuntzari buruz jakin nahi izan duzun guztia jakiteko parada izango duzu.
